नौ बर्षदेखि लगातार दूध दिइरहेको गाई

कृषि पोष्ट संवाददाता

ताप्लेजुङ, १५ वैशाख ।

ताप्लेजुङको सिरिजङ्घा गाउँपालिकाका जनक खड्काले पालेको साँखु गाईले नौ बर्ष देखि सुत्केरी नभैकनै लगातार दूध दिइरहेको छ ।

१६ बर्ष अघि २०६१ सालमा पहिलो पटक सुत्केरी भएको थियो त्यसपछी २०६९ सालमा सुत्केरी भएको गाई अहिलेसम्म सुत्केरी भएको छैन तर दूध भने लगातार दिइनै रहेको खड्का बताए ।

अहिले सम्म गोरुनी खोजेको छैन दूध पनि दिइनै रहेको छ, दैनिक ४ लिटर दूध दिने गर्छ । साँखु गाईले दिउँसो बाल्टी बोकेर गएपनी फाचोमा भएको दूध दिइरहन्छ बिहान बेलुकी त दिनैहाल्छ ।” उनले भने ,छोरा सानो थियो दिउँसो चराउन बेसिँको जङ्गलमा लैजान्थो त्यो बेला दिउसो दोएर पनि खादो रहेछ त्यै भएर होला वा किन हो फाचामा भएको दूध गाईले जतिबेलै दिनैरहन्छ खड्का बताउछन । दूध कम आए बाक्लो र बढी आए पातलो हुने गरेको उनले बताए । प्रिसा बस्नेत/उज्यालो नेटवर्क

तपाई हरु संग पनि कृषि समाचार, लेख वा सुझाव र प्रतिक्रिया भएमा krishipost@gmail.com मा पठाउनुहोला 🙏